Турин Политехника Университетида Тошкент ҳудудий Кенгашимиз томонидан тармоқ корхона ва ташкилотларимизда ишловчи ёшлар учун «Заковат» интеллектуал ўйини ўтказилди. Билимдонлар бахсида «Ўзкабель», «Ўзавтолизинг», «ЎзавтоИнзи» ,Турин политехника университети , «Ўзметкомбинат» ва Турин Академик лицейи жамоалари иштирок этди.

Мантиқий ва қизиқарли саволлардан иборат бўлиб ўтган ушбу ўйинда жамоалар ўзларининг интеллектуал салоҳиятларини намойиш этишди.

Ўйин якунида 10-саволдан тўпланган энг юқори баллар натижасига кўра, Тошкент вилоятидан «Ўзметкомбинат» заковатчилари 1-ўринни ва Тошкент шахридан Турин Политехника Университети заковатчилари 1-ўринни қўлга киритиб, Республика финал ўйинида иштирок этиш йўлланмасини қўлга киритишди.

Тадбир сўнгида ғолиб ва совриндор бўлган жамоаларга Тошкент худудий кенгаши томонидан диплом ва эсдалик совғалар топширилди. Баряа қатнашчиларга Кенгаш номидан миннатдорчилик билдирамиз.