Куни кеча касаба уюшмаси қўмитаси ва фахрийлар Кенгаши ҳамкорлигида 1-октябрь «Устоз ва мураббийлар куни»га бағишлаб Фахрий устозлар билан учрашув ташкил этилди.

Электрда пўлат эритиш цехида бўлиб ўтган тадбирда мазкур цехда меҳнат қилиб кетган фахрий устозлар, цех ишчи-ходимлари иштирок этишди. Тадбирда дастлаб, касаба уюшмаси қўмитаси раиси Иброхим Қодиров фахрий устозларни шарафли меҳнат фаолиятларини юксак эътироф этиб, уларни байрам билан қутлаб самимий тилакларни билдирди.

 

Шунингдек учрашув давомида меҳнат фахрийларидан Евгений Кан, Петр Вильямслар ўзларининг кўп йиллик меҳнат фаолиятлари, хаётий тажрибалари хақида йиғилганларга сўзлаб беришди. Шундан сўнг байрам муносабати билан электрда пўлат эритиш цехида кўп йиллар меҳнат қилган бир гурух фахрий устозларга касаба уюшмаси қўмитаси томонидан ташаккурнома ва эсдалик совғлар топширилди.

Кеча 28 сентябрь куни Халқ истеъмол моллари ишлаб чиқариш цехида 1-октябрь «Устоз ва мураббийлар куни»га бағишлаб Фахрий устозлар билан учрашув бўлиб ўтди. Касаба уюшмаси қўмитаси ва фахрийлар Кенгаши ҳамкорлигида ташкил этилган тадбирда мазкур цехда меҳнат қилиб кетган фахрий устозлар, цех ишчи-ходимлари иштирок этишди. Тадбирда цех бошлиғи Тамара Джураева фахрий устозларни комбинат ривожи йўлида меҳнатларини эътироф этиб, уларни байрам билан қутлаб самимий тилакларни билдирди.

Учрашувда Республика кончилик ва металлургия саноати фахрийлар Кенгаши Бекобод шаҳар худудий филиали раиси Илхом Қурбонов, меҳнат фахрийси Тўлқин Миербековлар сўзга чиқишиб, узоқ йиллик меҳнат фаолиятлари, хаётий тажрибалари хақида йиғилганларга сўзлаб беришди. Шундан сўнг байрам муносабати билан халқ истеъмоли моллари ишлаб чиқариш цехида кўп йиллар меҳнат қилган бир гурух фахрий устозларга касаба уюшмаси қўмитаси томонидан ташаккурнома ва эсдалик совғлар топширилди.