Ўзбекистон металлургия ва машинасозлик саноат бармоқлари ходимлари Тошкент худудий кенгашининг II ҳисобот-сайлов Конференцияси 2025 йил 20 июнь куни «Тошкент Политехника институтида бўлиб ўтди.
Конференцияда «Ўзметмашсаноат» касаба уюшмаси Республика Кенгаши раиси Талъат Субхонқулович Усмонов, ЎзКУФКнинг бош мутахассиси Азамат Абдуллаев, «Ўзметмашсаноат» касаба уюшмаси Республика Кенгаши раиси ўринбосари Шоикрои Шоумарович Исроилов, ЎзКУФнинг Тошкент вилоят кенгаши раиси ўринбосари Ў.Т.Рашидов ва ЎзКУФсининг Тошкент шахар Кенгашининг ташкилий ишлар бўлими мудири Вероника Алексеевна Шулятникова иштирок этишди.
Конференцияда Тошкент худудий Кенгашининг 2021 йил декабридан 2025 йил майгача бўлган даврдаги фаолияти тўғрисида Аъло Анваровна Алаутдинова ҳамда тафтиш комиссияси раиси Ширин Юллибоева ҳисоботлари тингланди ва олиб борилган фаолият делегатлар томонидан «қониқарли» деб баҳоланди.
Муқобиллик асосида сайловда Конференция делегатларининг кўпчилик овози билан Аъло Алаутдинова янги тузилган «Ўзметмашсаноат» касаба уюшма Тошкент шаҳар кенгаши раиси этиб сайланди.