Joriy yilning avgust oyida O‘zbekiston Respublikasining milliy bayramlaridan biri bo‘lgan Mustaqillik kuni bayrami arafasida «O‘zagrolizing» aksiyadorlik jamiyatida, jamoaviy ruhni birlashtirishga qaratilgan, «ZAKOVAT» itellektual o‘yini tashkil etildi.

 Qiziqarli o‘tgan jamoaviy o‘yinda Jamiyatning markaziy apparati, Toshkent viloyati filiali, «Uzmashlizing» MChJ va «Lizing texnika servis» MChJ xodimlari ishtirok etdilar.

 Bilimdonlar bahsi hisoblangan ushbu intellektual o‘yinda Anvar Salimov boshchiligidagi Jamiyatning markaziy apparati jamoasi g‘olib deb topildi. G‘olib jamoaga «O‘zagrolizing» aksiyadorlik jamiyatining esdalik sovg‘alari taqdim etildi.