Ўзбекистон касаба уюшмалари Федерацияси Кенгашининг катта мажлислар залида, Ўзбекистон металлургия ва машинасозлик саноати тармоқлари ходимлари касаба уюшмаси Хотин-қизлар Кенгашининг 2017 йил фаолиятига бағишланган кенгайтирилган мажлис ўтказилди.

Мажлисда тармоқ корхоналарида фаолият юритиувчи 40 га яқин хотин-қизлар, касаба уюшма қўмитаси раислари, фаоллар иштирок этишди. Мажлис давомида Республика  хотин-қизлар Кенгаши раисининг 2017 йил фаолияти юзасидан ҳисоботи тингланди, 2018 йилга мўлжалланган тадбирлар режаси тасдиқланди. 2017 йил давомида олиб борилган ишлар қониқарли деб топилиб, 2018 йилдаги фаолиятни янада хотин-қизларнинг ижтимоий-ҳуқуқий манфаатларини ҳимоя қилишга қаратиш таклифи тушди.

Мажлисда йиғилганларни Республика Кенгаши раиси Ахмаджон Хакулов кириб келаётган 8-март Ҳалқаро хотин-қизлар куни билан табриклаб, тармоқ аёлларининг юртимиз ривожига қўшаётган ҳиссалари ҳақида тўҳталиб ўтди. Барча йиғилган аёлларга Республика Кенгашининг эсдалик совғалари, гулдасталар тақдим қилиниб, байрам дастурҳони тузалди.