Мамлакатимизда ёш авлод тарбиясига алоҳида эътибор қаратилган. Жумладан, уларнинг баркамол  инсонлар бўлиб етишлари учун барча шарт-шароитлар яратиб берилмоқда. Болаларни ёзги дам олишини ташкил этиш ва соғломлаштириш чора тадбирларини ишлаб чиқиш, уларни амалга ошириш юзасидан тизимли назорат ва мониторингини таъминлаш бўйича Республика Мувофиқлаштирувчи гурухининг мажлис баёни  ижросини таъминлаш мақсадида “Болалар оромгоҳларини қуриш,  реконструкция қилиш ва таъмирлаш бўйича 2016  йилга мўлжалланган Манзилли дастур”га асосан АЖ «Андижанкабель» Ўзбекистон-Россия қўшма   корхонаси тасарруфидаги  Асака тумани, Ниёзботир  қишлоғида  жойлашган  «Машъал»  болалар  оромгоҳида  жорий йилнинг 25 майига қадар 20 млн. сўмлик жорий таъмирлаш ва жихозлаш    ишлари  амалга оширилди.

Мавсум давомида оромгоҳида  Хонобод,  Андижон  шаҳарларида, Асака ва Мархамат туманларида яшовчи  жами 600 нафар болаларни ёзги дам олишини ташкил этиш  режалаштирилган. Шу мақсадда бу ерда  таъмирлаш, жихозлаш ишлари амалга оширилди. Жумладан қизлар ва ўғил болалар  ётоқхоналари, тиббиёт ходимлари хонаси, 150 ўринлик ошхона биноси,  чўмилиш хавзаси, иккита очиқ айвонлар, кутубхона биноси  жорий таъмирланди. Оромгоҳ худудида видео кузатув ва радио тизими сифатли ишламоқда. Болаларни ёзги дам олишини янада мазмунли ўтказиш мақсадида Асака туман халқ таълими бўлими кўмагида кутубхона ташкил этилди. Юртимизда ёшлар сиёсатини тарғиб қилувчи панолар, меҳнат мухофазаси, ёнғин хавфсизлигини тарғиб қилувчи панолар ўрнатилди.

Оромгоҳга бириктирлган Асака туман, соғлиқни сақлаш бўлими ходимлари дам олувчи ёшларни соғломлаштириш мақсадида  малакали  тиббий хизмат кўрсатмоқдалар.   Болаларни қизиқишларини инобатга олгин холда оромгоҳда  спортнинг футбол, сузиш, шахмат-шашка, қувноқ стартлар, енгил атлетика  тўгараклари, моҳир қўллар, рассомчилик, ингилиз тили, рус тили фан тўгараклари  йўлга қўйилди.   Асака туман  ИИБдан келган ходимлар иштирокида ёнғинни олдини олиш, ҳуқуқбузарликларни олдини олишга қаратилган тадбирлар,  давра сухбатлари ўтказилди, вилоят Камолот ЁИХ бўлими “Камалак” фаоллари билан хамкорликда турли хил интеллектуал ўйинлар, викториналар  ўтказмлмоқда. Ўтказилган тадбирларда аниқланган ғолибларни  АЖ «Андижанкабель» Ўзбекистон-Россия қўшма   корхонаси касаба уюшма қўмитаси ва хомийлар томонидан моддий рағбатлантирилмоқда. Шуниндек дам олувчилар маданият ва санъат арбоблари иштирокида ташкил этилаётган тадбирларда ҳам иштирок этмоқдалар.

Хулоса қилиб айтганда буларнинг барчаси мамлакатимизда  эртамиз эгаларининг комил инсон бўлиб улғайишларига қаратилган саъй-харакатлардир.

АЖ «Андижанкабель» ҚК

касаба уюшма қўмита  раиси:                                        А.З.Нуриллаев