Ўзбекистон металлургия ва машинасозлик саноати тармоқлари ходимлари касаба уюшмаси Республика Кенгаши тармоқ корхоналари томонидан Ўзбекистон Республикасининг Биринчи Президенти Ислом Каримов таваллудининг 80 йиллиги муносабати билан қатор тадбирлар ўтказилди. Ўзбекистон металлургия ва машинасозлик саноати тармоқлари ходимлари касаба уюшмаси Республика Кенгаши томонидан, тармоқ корхоналарининг бир қатор фаоллари ўртасида, Ўзбекистон Республикасининг Биринчи Президенти, буюк давлат ва сиёсат арбоби Ислом Абдуғаниевич Каримов таваллудининг 80 йиллиги муносабати билан хотира кечаси уюштирилди. Тадбирда “Ислом Каримов – мустақил Ўзбекистон асосчиси” мавзусида давра сухбати ўтказилди. Йиғилганлар Ўзбекистон Республикаси Биринчи Президенти билан боғлиқ хотиралари билан бўлишдилар. Тадбир  Тошкент шаҳридаги Оқ сарой мажмуасида қад ростлаган Ислом каримов ҳайкали пой остига гулчамбар қўйиш маросими билан ўз якунига етди.

          1. Тармоқнинг Тошкент шаҳридаги “Фотон” АЖ, “Узкабель” АЖ ҚК, «Тошкент қишлоқ хўжалик  техникаси заводи» АЖ, «Тошкент Автотеххизмат» ТНАJ, «Технолог» АЖ, «Ўзстандарт» Агентлиги,    «HI- TECH KABEL» ҚК, «Ўзавтосаноат» АК, «БМКБ -Агромаш» АЖ, «Ўзавтотеххизмат»  АЖ, «Чирчик авиация  ремонт заводи» (ЧАРЗ), «Узэлтехсаноат » уюшмаси корхоналари ишчилари ва раҳбарияти уюшган ҳолда Тошкент шаҳри, Оқсарой қароргоҳида жойлашган ёдгорлик мажмуасига ташриф буюриб, И.А.Каримов ҳайкали пойига гулчамбарлар қўйишди. Бундан ташқари,“Узкабель” АЖ ҚК корхона касаба уюшма фаоллари ва раҳбарияти, жами 60 нафар ходимлари учун И.А. Каримов хаёти ва олиб борган фаолиятига бағишлаб очилган фото кўргазмага экскурсия уюштирди. Юқорида кўрсатиб ўтилган корхоналарда ҳамда «Турин Политехника Университети», «Турин Политехника Университети» қошидаги Академик Лицей, М.Улуғбек тумани  «ТДТУ»  қошидаги 3-сонли Академик Лицей, Чилонзор  тумани  «Радиотехника ва автоматлаштириш» касб-хунар коллежида “Ислом Каримов – Мустақил Ўзбекистон асосчиси”, “Сиздан озод ва обод Ватан қолди”, “Хотирангиз қалбларда мангу” мавзуларида қатор тадбирлар уюштирилди.

      2 .Тармоқнинг Самарқанд вилоятидаги «Самавто» МЧЖ-50 нафар, «Самарқанд Автотеххизмат» АЖ-40 нафар ҳамда «JV MAN Auto – Uzbekistаn» МЧЖ-35 нафар касаба уюшма фаоллари ҳамда рахбар ва бошлиқлари Регистон майдонида жойлашган И.Каримов ҳайкали пойостига гулчамбарлар қўйишди, сўнгра Шоҳи Зинда комплексида янги очилган мақбарани зиёрат қилишди. Бундан ташқари ҳар бир корхонада тадбирга бағишланиб хотира кечалари уюштирилди, унда жами 1000 дан ортиқ ишчи-ходимлар иштирок этишди.

 

       3.Андижон вилоятида жойлашган “Ислом Каримов номидаги Асака автомобиль заводи”да ташкил қилинган тадбирда Асака туман хокимияти вакиллари, корхона фахрийларидан бир гурухи, корхона рахбарияти ва ички-ишлар бўлими ходимлари иштирокида заводнинг кириш жойига ўрнатилган И.А.Каримов мемориалига гулчамбарлар қўйдилар.Бундан ташкари корхонанинг бошкарма, бўлимлари ва цехлари спорт жамоалари ўртасида корхона спорт залида стол тенниси ва шашка бўйича мусобақалар ўтказилди. Мусобақа ғолиблари ва иштирокчиларига касаба уюшма қўмитаси номидан эсдалик совғалари ва дипломлар тақдим қилинди. «Ўз Донг Жу Пейнт Ко» қўшма корхонасида тадбирга бағишлаб корхона ишчи-ходимлари учун Андижон вилоят “Маънавият ва маърифат” Марказидан таклиф қилинган лекторлар иштирокида “Маънавият соати” ташкил қилиниб, унда 80 дан ортиқ одам қатнашди. “Андижон Автотеххизмат” корхонасида спортнинг шахма-шашка тури бўйича хотира турнири ўтказилди. Унда корхонанинг 65 нафар ишчи-ходимлари иштирок этди. «Ўз СэМюнг Ко» ҚК, «Андижонкабель» қўшма корхоналарида тадбирга бағишланган хотира кечалари уюштирилиб, унда қарийб 1450 нафар ишчи-ходмлар иштирок этдилар.Биринчи Президентимиз Ислом Каримовнинг 80-йиллигига бағишлаб Фарғона водийси бўйлаб хотира футбол турнири ўтказилди. Унда бизнинг тармоқдан 10 нафар корхона, жумладан, “ЖМ-Ўзбекистон”, “УзКорамКо”, “УзДонгЖУ”, “УзТонгХонг” корхоналари терма жамоалари иштирок этишди. Турнирнинг финал босқичида Андижон вилояти “УзТонгХонг” қўшма корхонаси терма жамоаси ҳамда Фарғона цемент заводининг “Тошлоқ водийси” жамоаси куч синашди. Турнирда биринчиликни “УзТонгХонг” қўшма корхонаси терма жамоаси қўлга киритди.

 

 

 

 

 

 

     4.Хоразм вилоятида жойлашган «GM- O’zbekiston» АЖ Хоразм филиалида Ислом Абдуғаниевич Каримовнинг хаёти, олиб борган фаолияти, бунёдкорлик ишлари тўғрисида илмий-амалий анжуман ўтказилди. Унда заводнинг 500 нафардан зиёд ишчи-ходимлари иштирок этди.

         5.Тармоқнинг Наманган, Фарғона, Жиззах, Навоий ва Тошкент вилоятларидаги корхоналарда Биринчи Президентимиз И.А.Каримов хотирасига бағишлаб маънавий тадбирлар уюштирилди. Унда жами 6000 дан зиёд ишчи-ходимлар иштирок этишди.