Joriy yilning oktabr oyida O’zbekiston Respublikasi mustaqilligining 31 yilligi munosabati bilan «O’zmetmashsanoat» xodimlari kasaba uyushmasi tomonidan «O’zavtosanoat» AJ ga qarashli korxonalarda orasida ko’rik-tanlov o’tkazilgan edi.

Ko’rik-tanlov «Xavfsiz mehnat sharoitlarini ta’minlash, estetika va ishlab chiqarish madaniyatini yaxshilash» mavzusida bo’lib, maxsus komissiya joriy yilning 5-7-oktabr kunlari filialimizga tashrif buyurib, ko’rik tanlov nizomi asosida mehnat sharoitlari bilan tanishib ketishdi.

Tanlov natijalariga ko’ra filialimiz «Xodimlarni xavfsiz mehnat sharoitlari, ishlab chiqarish madaniyati va yuqori estetika bilan ta’minlash bo’yicha eng yaxshi korxona» nominatsiyasi bo’yicha ko’rik-tanlov g’olibi deb topildi hamda 1-darajali diplom sohibiga aylandi.

Joriy yilning 23-noyabr kuni filialimizga O’zbekiston Respublikasi «Oʻzmetmashsanoat» kasaba uyushmasi Respublika Kengashi raisi Ahmadjon Xakulov tashrif buyurib, barcha xodimlar ishtirokida ushbu 1-darajali diplomni boshqaruvchi direktorimiz Sabirjon Jumaniyazovga tantanali tarzda topshirdi.

«Oʻzmetmashsanoat» kasaba uyushmasi Respublika Kengashi raisi Ahmadjan Xakulov barcha xodimlarimizni ushbu yutuq bilan tabrikladi. U o’z so’zida yaqinda Prezidentimiz tomonidan «11-noyabr — O’zbekiston Kasaba uyushmalari kuni» deb e’lon qilinib, ushbu kun umumxalq bayrami sifatida nishonlanishi belgilanganligini alohida ta’kidlab o’tdi.