Жорий йилнинг 23 ноябрь куни «Самарқанд автомобил заводи» қўшма корхонасида корхона касаба уюшма қўмитаси ва ёшлар етакчиси хамкорлигида  «11-ноябрь касаба уюшмалари куни» муносабати билан корхона ишчи-ходимлари учун «UZQUIZ — SAMAVTO» интелектуал маданий-маърифий тадбири ўтказилди.

Тадбир бошланишида Металлургия ва машинасозлик саноати тармоқлари ходимлари касаба уюшмаси Самарқанд (Жиззах, Навоий) вилоят кенгаши раиси О.Мирзаев, корхона касаба уюшма қўмитаси раиси Ш.Хамдамов ва корхона ёшлар етакчиси Ш.Маматқуловлар сўзга чиқиб барчани «Ўзбекистон касаба уюшмалар куни» билан табриклаб, интелектуал ўйин иштирокчиларига омад тиладилар. Интелектуал ўйинда корхонанинг барча цех ва бўлимларидан 18 та жамоа (хар бир жамоада 5 киши) ғолиблик учун беллашдилар.

Корхона касаба уюшма қўмитаси томонидан 1-ўринни эгаллаган жамоа  5 миллион сўм, 2-ўринни эгаллаган жамоа  3-миллион сўм ва 3-ўринни эгаллаган жамоа 2 миллион сўм пул мукофотлари билан тақдирландилар. Шунингдек тадбир якунида барча йиғилганлар иштирок этган ютуқли лотарея ўйини ҳам ўтказилди.