Жисмонан соғлом, маънан баркамол авлодни тарбиялаш мақсадида Ўзбекистон Республикасининг 34 йиллиги ҳамда касаба уюшмаларининг 120 йиллиги олдидан «Жиззах аккумулятор заводи» АЖда ишчи-ходимлар ўртасида «Баркамол авлод» спорт мусобақаси ташкил этилди.
Мусобақа 3 та спорт тури — шахмат, шашка ва стол тенниси бўйича ўтказилди.
Эътиборлиси, беллашув нафақат ўғил болалар ўртасида, балки хотин-қизлар ўртасида ҳам ташкил қилинди.
Муросасиз кечган баҳсларда мусобақа ғолиблари аниқланди. Барча иштирокчилар спортда ўз кучини синаб кўриш баробарида бир-бири билан тажриба алмашиш, дўстона муҳитда кучли жамоа сифатида ҳаракат қилиш имкониятини берди. Шунингдек, ёшларнинг спортга бўлган қизиқишини янада оширди.
Ғолибларга корхонанинг 1-чи, 2-чи ва 3-чи даражали дипломлари ва касаба уюшма қўмитаси томонидан қимматбаҳо эсдалик совғалари топширилди. Йиғилиш сўнгида барча ходимларга эҳсон оши тарқатилди.