Чирчиқ авиация таъмирлаш заводига ташриф давомида давлат раҳбарига завод ҳузурида МДҲ ва минтақада ягона бўлган “Airbus” вертолётларига хизмат кўрсатиш маркази фаолияти тақдим этилган.
У Франциянинг “Airbus” компанияси томонидан расман сертификатланган бўлиб, бу ерда H-125, H-215 ва H-130 русумли вертолётларга тўлиқ сервис ва таъмирлаш хизматлари кўрсатилади.
Янги марказ Ўзбекистонни “Airbus” вертолётларига хизмат кўрсатиш бўйича минтақавий авиа-хабга айлантириш имконини беради.
Шунингдек, Президентга заводда Су-25 ҳарбий самолётларини капитал таъмирлаш ва модернизация қилиш бўйича янгиланган цехлар намойиш этилди. Энди самолётлар замонавий навигация тизимлари, тунги кўриш ускуналари ва бортдаги ҳимоя комплекслари билан жиҳозланмоқда.