Бирлашган касаба уюшмаси қўмитаси томонидан Электрда пўлат эритиш цехида «Янгиланаётган Конституция» ҳамда 30-апрель куни бўлиб ўтадиган референдум бўйича учрашув ташкил этилди.

Тадбирда сўзга чиққан Ўзбекистон Республикаси Адлия вазирлиги ходими Толибжон Орзиев Ўзбекистон Республикаси Конституциявий қонуни лойиҳаси бўйича ўтказиладиган референдуми ва унинг ҳуқуқий асослари, ташкилий жиҳатлари ҳамда фуқароларнинг референдумда иштирок этиш шартлари ҳақида керакли маълумотларни бериб ўтди.