Куни кеча Ўзбекистон Республикаси хузуридаги Давлат бошқарув академиясида Ўзбекистон Республикаси Иқтисодиёт вазирлиги томонидан миллий саноатимизнинг асосий тармоқларида банд бўлган 20 та корхоналарнинг энергетика мутахассислари ва инженер-технологлари учун «Тоғ-кон ва металлургия, нефт-газ ва кимё тармоқлари мутахассисларининг энергия самарадорлиги сохасида салохиятини ошириш» мавзусида ташкил этилган тренинг якунланди. Бу тренингда тармоқнинг АЖ «Ўзбекистон металлургия комбинати» жамоасидан ҳам бир қатор ходимлар қатнашдилар.

Етти кун мобайнида халқаро экспертлар ўз маъруза ва амалий машғулотлари орқали иштирокчиларни энергия самарадорлигини бошқаришдаги илғор услублар, энергияни тежайдиган технологияларни амалиётга тадбиқ этиш ва иқтисодий бахолаш тамойиллари хамда ишлаб чиқаришнинг энергия истеъмоли ва таннархини камайтиришдаги уларнинг таъсири билан таништириб чиқдилар.