“Экологик фаол касаба уюшма жамоаси” Республика кўрик-танловининг Тошкент вилояти босқичи якунланди.
Мазкур танловда “Ўзметкомбинат” АЖ касаба уюшмаси қўмитаси фаол иштирок этиб, ўзининг экологик йўналишда амалга ошираётган ишлари, жамоатчилик ташаббуслари ҳамда атроф-муҳитни асрашга қаратилган лойиҳаларини намойиш этди.
Якуний натижаларга кўра, “Ўзметкомбинат” АЖ касаба уюшмаси қўмитаси биринчи ўринни эгаллади ва танловнинг республика босқичида иштирок этиш учун йўлланмани қўлга киритди.
Ушбу натижа корхонада экологик маданиятни юксалтириш, атроф-муҳитга эҳтиёткорона муносабатни шакллантириш ҳамда касаба уюшмаси томонидан бу борада амалга оширилаётган ишларнинг самарадорлигини намоён этади.
Эндиликда “Ўзметкомбинат” АЖ касаба уюшмаси қўмитаси танловнинг республика босқичида Тошкент вилояти шарафини муносиб ҳимоя қилади.