“GM Uzbekistan” АЖда Ўзбекистон касаба уюшмалари Федерация Кенгаши, Ўзбекистон металлургия ва машинасозик тармоқлари ходимлари касаба уюшмаси Республика Кенгаши томонидан ҳар икки йилда ўтказилиши анъанага айланган “Ўз касбининг моҳир эгалари” кўрик-танловининг қуйи босқичи бўлиб ўтди. Унда барча бўлим ва цехлар ишчи-ходимлари фаол иштирок этдилар.

Қатнашчилар қабул қилинган Низомда белгиланган шартлар бўйича ишчи гуруҳи томонидан ўрганиб чиқилди.

“GM Uzbekistan” АЖда “Ўз касбининг моҳир эгалари” кўрик-танловининг  ғолиблари касаба уюшма қўмитасининг қимматбаҳо эсдалик совғалар билан тақдирландилар.

“Ўз касбининг моҳир эгалари” кўрик-танловининг биринчи ўринни эгаллаган    сифат бошқармаси функционал сифат бўлими бошлиғи Дилшодбек Мамадалиев Ўзбекистон металлургия ва машинасозлик тармоқлари ходимлари касаба уюшмаси Республика Кенгашининг  республика босқичида иштирок этиш ҳуқуқини қўлга киритди.