«Заковат» интеллектуал ўйини ўтказилди.

Жорий йилнинг 14 март куни Тошкент шаҳридаги Турин политехника университетида Ўзбекистон металлургия ва машинасозлик саноати тармоқлари ходимлари касаба уюшмаси Тошкент ҳудудий бўлинма Кенгаши томонидан Тошкент шахри ва Тошкент вилоятида жойлашган тармоқ ёш ишчи-ходимлари учун «Заковат» интеллектуал ўйини ўтказилди. Ушбу билимдонлар бахсида Турин политехника университетининг «Турин билимдонлари» ва «Орзу» жамоаси, «Ўзэлектроапрарат» АЖнинг «Электроарпарат» «Ўзавтоинзи» ҚКнинг «Ўзинзи», Чилонзор 1-сон касб хунар мактабининг «Билимдон» ҳамда «Ўзметкомбинат» АЖнинг «Металлурглар» жамоаси иштирок этишди.

Мантиқий ва қизиқарли саволлардан иборат бўлиб ўтган ушбу ўйинда жамоалар ўзларининг интеллектуал салоҳиятларини намойиш этишди. Ўйин якунида 20-саволдан тўпланган энг юқори баллар натижасига кўра «Ўзметкомбинат» АЖнинг «Металлурглар» жамоасиТошкент вилояти ёшлари ўртасида фахрли 1-ўринни, Турин Политехника Университетининг «Турин билимдонлари» Тошкент шахри ёшлари ўртасида фахрли 1-ўринни қўлга киритишиб, Республика финал босқичида иштирок этиш йўлланмасини қўлга киритишди.

Тадбирда «Ўзметмашсаноат» касаба уюшмаси Республика Кенгаши раис ўринбосари Ш.Исроилов, Турин Политехника Университети ректори Ж. Иноятхўжаев ва Ўзбекистон касаба уюшмалари Федерациясининг Тошкент шахар кенгаши бўлим бошлиғи Д.Мелиевлар иштирок этишди. Тадбир сўнгида ташкилотчилар томонидан ғолиб ва совриндор бўлган жамоаларга диплом ва эсдалик совғалар топширилди.

Print Friendly, PDF & Email