«Ўзметкомбинат» касаба уюшмаси томонидан комбинат ишчи-ходимлари ўртасида «Ботир Зокиров санъати давомчилари» кўрик-танловининг финал босқичи бўлиб ўтди ва унда комбинатнинг турли цехларида меҳнат қилаётган 9 нафар иштирокчи беллашди.

Танлов Низомига кўра иштирокчилар Ботир Зокиров репертуаридан қўшиқ ижро этиб, ўз истеъдодларини намойиш этишлари керак эди.

Ҳакамлар ҳайъати томонидан қўйилган баҳоларга кўра 1- ўрин Электрда пўлат эритиш цехининг рассоми Артур Кулиевга, 2-ўрин 2-сон навли прокат цехи чилангар-таъмирловчиси Шерали Аллаяровга ва 3- ўрин Технологик жараёнларни автоматлаштирилган бошқарув тизими табелчиси Севара Қўчқоровага насиб этди.

Ғолиб ва совриндорларни комбинат Касаба уюшма қўмитаси раиси ўринбосари Иброҳим Қодиров табриклаб, диплом ва қимматбаҳо эсдалик совғалар билан тақдирлади.