Айни вақтда «Ўзметкомбинат» акциядорлик жамиятининг 80-йиллигига бағишланган байрам тадбирлари бошланди.

Дастлаб комбинат меҳнат фахрийлари ва ишлаб чиқариш илғорлари Металлурглар маданият саройидан автобусда комбинат тарихи музейига йўл олди. Бу ерда улар Ўзбекистон металлургия комбинатининг қурилиши ва ривожланиши тарихи билан атрофлича танишдилар.

Уларнинг кўпчилиги ўтган йиллар фотосуратлари ва стендларини кўриб, комбинатдаги ишлаган даврларини ёдга олишди, унинг янги ютуқларидан қувонишди.

Комбинат тарихи музейини томоша қилганларидан сўнг меҳмонлар махсус тайёрланган махсус кийимларни кийиб, электрда пўлат эритиш бўлинмасига йўл олишди.

Байрамнинг тантанали қисми Электрда пўлат эритиш бўлинмасида давом этди. «Ўзметкомбинат» АЖ Бошқаруви раиси – бош директори Дилшод Ахмедов йиғилганларни байрам билан табриклади. У ўз табригида комбинатда эришилган катта ютуқларини таъкидлаб, бекободлик металлурглар ва ишлаб чиқариш фахрийларига корхона ва бутун мамлакат иқтисодиётини юксалтиришга қўшган ҳиссаси учун миннатдорчилик билдирди.

Ўзбекистон Республикаси Кончилик ва металлургия саноати фахрийлари кенгаши Бекобод филиали раиси Илҳом Қурбонов ҳам металлургларни байрам билан табриклади. Ишлаб чиқариш фахрийлари ҳам сўзга чиқдилар.

Барча ишлаб чиқариш фахрийлари ва фахрий меҳмонларга байрам муносабати билан эсдалик совғалари топширилди.

Электрда пўлат эритиш бўлинмасида «Ўзметкомбинат» АЖнинг 80-йиллигига бағишланган юбилей пўлат эритилиши тантанаси бўлиб ўтди.

Юбилей эритмаси смена бошлиғи Бахтиёр Пирматов, смена устаси Нарзулло Жиянов, пўлат эритувчи Ойбек Тўрақулов, пўлат эритувчи ёрдамчилари Адҳам Бургутбоев, Хаёт Ашуров, Акмал Шарипов, Дониёр Шерқўзиев, Мурод Мўминовлардан иборат электрда пўлат эритувчилар бригадаси томонидан тайёрланди.

Зохиршох Жўраев ва Бунёдбек Саидов ўз қўшиқлари билан барчага байрмона кайфият улашмоқда Ўзбекистон халқ артисти Юлдуз Усмонова гўзал қўшиқлари ижрочи билан барчани байрам билан табриклади.

Шунинг билан «Ўзметкомбинат» АЖнинг 80 йиллигига бағишланган гала-концерт ўз якунига етди.
Байрамона салют барчага яна бир ажойиб кайфият тақдим этди.
Металлурглар ва уларнинг оилаларига байрамона кайфият бағишлаган Гала-концерт ташкилотчиларига миннатдорчилик билдирамиз.