Навбатдаги тадбир Тошкент шаҳрида фаолият юритаётган, юртимиз автомобилсозлик саноатининг етакчи корхоналаридан бўлган — “UzAuto Motors Powertrain” АЖ ҳамда “UzAutoINZI” МЧЖ корхоналарида ташкил этилди. Металлургия ва машинасозлик саноати тармоғида меҳнат хавфсизлиги талаблари жуда юқори бўлганлиги сабабли, ушбу йирик корхоналарда ўтказилган амалий ёрдам жараёнида қуйидаги муҳим жиҳатларга алоҳида эътибор қаратилди:
Корхонадаги асосий ўрганиш ва кўмак йўналишлари:
🚘Техник хавфсизлик ва иш жойлари: Ишлаб чиқариш цехларида замон талабларига мос хавфсиз меҳнат шароитларининг яратилганлиги, технологик ускуналарнинг созлиги ва ҳимоя тўсиқларининг ҳолати.
👷 Жамоавий ва индивидуал ҳимоя воситалари: Ишчи-ходимларнинг махсус кийим-бош, пойабзал ҳамда бошқа зарур ҳимоя воситалари билан таъминланиш даражаси ва улардан тўғри фойдаланилиши.
📄 Ички ҳужжатлар ва йўриқномалар: Корхонада меҳнатни муҳофаза қилиш бўйича кириш ва даврий йўриқномаларнинг юритилиши, ўқув-семинарларининг ташкил этилиши ҳамда ҳужжатларнинг қонунчилик талабларига мувофиқлиги.
🤝 Ижтимоий шериклик: Касаба уюшмаси қўмитаси ва иш берувчи ўртасидаги жамоа шартномасида белгиланган меҳнат муҳофазасига оид мажбуриятларнинг бажарилиш ҳолати.
ℹ️ Маълумот учун: “UzAuto Motors Powertrain” АЖ ҳамда “UzAutoINZI” МЧЖ корхоналарида юқори технологияли ва автоматлаштирилган жараёнлар мавжудлиги боис, бу ерда касаба уюшмаси ва меҳнат муҳофазаси мутахассисларининг доимий ҳамкорлиги ишлаб чиқаришдаги бахтсиз ҳодисаларнинг олдини олишда муҳим пойдевор бўлиб хизмат қилади.