Жорий йилнинг 14 апрель куни Андижон Давлат техника институтида Ўзбекистон металлургия ва машинасозлик саноати тармоқлари ходимлари касаба уюшмаси Республика Кенгаши томонидан ташкил этилган “Заковат” интеллектуал ўйинининг Андижон вилоят босқичи бўлиб ўтди.
Мазкур интеллектуал беллашувда вилоятдаги тармоқ ташкилотларидан жами 19 та жамоа иштирок этиб, 120 нафардан ортиқ ёшлар ўз билим ва салоҳиятларини синовдан ўтказдилар.
Тадбирда Республика Кенгаши меҳнат муҳофазаси бўйича бош мутахассиси Ж. Розиков, Республика Кенгаши ёшлар масалалари бўйича раис маслаҳатчиси Д. Картушина ҳамда Андижон вилоят Кенгаши раиси Ш. Бутаев иштирок этдилар.
Қизғин ва муросасиз кечган баҳслар якунига кўра ғолиблар қуйидагича аниқланди:
🥇 1-ўрин — Андижон Давлат техника институтининг “Машинасоз” жамоаси
🥈 2-ўрин — “UzAuto Motors” АЖнинг “UzAuto-2” жамоаси
🥉 3-ўрин — “UzAuto Motors” АЖнинг “UzAutoMotors” жамоаси
Ғолиб ва фаол иштирокчилар ташкилотчилар томонидан муносиб тақдирланди.
Мазкур тадбир ёшлар ўртасида интеллектуал салоҳиятни ошириш, мантиқий фикрлашни ривожлантириш ҳамда жамоавий муҳитни мустаҳкамлашга хизмат қилди.