Тошкент шаҳридаги Узэкспомарказ майдонида ретро автомобиллар кўргазмаси бўлиб ўтаяпти.  Кўргазмада турли йилларда, турли давлатларда ишлаб чиқарилган 25 та ретро автомобиль ва 12 та ретро мотоцикллар мавжуд.

Ушбу кўргазма Тошкент шаҳрида бир неча йиллардан буён ўтказилиб келинмоқда. Кўргазма ташкилотчилари «Автолюбитель» клуби аъзоларидир.  Кўргазма ташкилотчиларининг берган хабарларига кўра, клуб аъзолари нафақат кўргазма ташкил этишади, балки пойтахтимиз ва Тошкент вилояти меҳрибонлик уйлари болаларига совғалар улашиб, уларни ретро автомобиллар билан яқиндан таништиришади.

Кўргазма жорий йилнинг 5-7 апрель кунлари бўлиб ўтади.