Металлурглар учун Ислом цивилизацияси марказига маърифий саёҳат ташкил этилди.

Комбинат касаба уюшмаси қўмитаси ташаббуси билан бир гуруҳ ишчи-ходимлар учун Ўзбекистондаги Ислом цивилизацияси марказига бепул маърифий саёҳат ташкил этилди.
Саёҳат давомида иштирокчилар марказда жамланган ноёб тарихий экспонатлар, бой кутубхона фонди ҳамда аждодларимизнинг жаҳон илм-фани, тиббиёт ва маданият ривожига қўшган улкан ҳиссасини акс эттирувчи экспозициялар билан яқиндан танишдилар.
Марказ гидлари ҳамроҳлигида ташкил этилган экскурсия давомида ишчи-ходимлар миллий тарихимиз, буюк алломаларимиз илмий мероси ва бой маънавий қадриятларимиз ҳақида қимматли маълумотларга эга бўлдилар.
Таъкидлаш жоизки, бундай маърифий саёҳатлар ходимларнинг маданий-маънавий дунёқарашини бойитиш, тарихий меросимизга бўлган ҳурматини янада мустаҳкамлаш ҳамда уларнинг мазмунли ҳордиқ чиқаришларини таъминлашда муҳим аҳамият касб этади.
Комбинат ишчи-ходимлари учун маданий-маърифий йўналишдаги бундай тадбирлар касаба уюшмаси қўмитаси томонидан келгусида ҳам изчил давом эттирилади.

Print Friendly, PDF & Email