Жорий йилнинг 9 ноябрь куни «Узметмашсаноат» касаба уюшмасининг бир қатор аъзолари учун “Касаба-Сайр” туризм вакиллари ёрдамида Самарқанднинг тарихий қадамжоларига экскурсия ташкил қилинди.

Экскурсия давомида Имом Ал-Бухорий мақбараси, Ўзбекистон Республикаси Биринчи Президенти И.А. Каримов қабрлари, Шоҳи-Зинда комплекси, Гўри Амир мақбараси ва бошқа қадамжолар зиёрат қилиниб, Улуғбек расадхонаси, Регистон комплексларини айланиб маданий хордиқ чиқаришди.